خبر عاجل
بوابة صيدا - لا يوجد صورة
المجتمع

بوابة صيدا - حكاية لبنانية.. ما تخاف الله بيدبر

إعلانات

بوابة صيدا ـ انتشر على مواقع التواصل الاجتماعي هذه الحكاية اللبنانية و ربما تكون من الحكايا الشعبية.. إلا أن فيها الموعظة، وفيها ان الشعب اللبناني كبقية شعوب العالم، يؤمن بأن الله يدبر أمره، ولا يتركه في وقت العسر.  

لذلك أحببنا ان ننشرها..

تقول الحكاية وهي باللغة العامية:

" فتشت بجزدانها وما لاقت غير ٥٠٠٠ ليرة..

تركتها على الطاولة وقالت بكرا الصبح رح إشتري ربطين خبز وعندي كم راس بطاطا بسلقن وهيدا غدانا وطمنت بالها..

فجأة بدق الباب جارتها عم تبكي..

معك شي ٥٠٠٠؟

دغري قالتلا أكيد لحظة لجبلك وعطتها ياها يللي كانت رح تشتري فيها خبز..

بس سكرت الباب سألها إبنها.. ماما ليش عطيتيها المصاري.. ما معنا غيرها..

يا إبني ما سمعتها حرام مافي معا مصاري بالبيت ولا قرش..

وما تخاف الله بيدبر.. طلبت مساعدتنا ما رح إتركها....

وطلبت منو ينام ويرتاح وما يفكر..

مع إنو هي ما وقف التفكير براسها.. بس عندها ثقة إنو الله بيدبر..

ناموا..

و وعيت بكير هي وبعدا عم تفكر..

بدق الباب على غير عادة..

جارتن بالحي وبحياتها ما زارتها بتعتذر منها وبتقول..

بنتي من شهر ولدت وهي بالغربة عايشة طلبت مني وزع على بعض العيل يللي فيو النصيب..

وما تواخزيني نسيت امروء صوبك..

وما بعرف كيف بالليل اتذكرتك وما رحتي من بالي..

وتركتلها ظرف مسكر...

عرفت هالست وتأكدت إنو الـ ٥٠٠٠ يللي من قلبها لجارتها عطتها ربنا أضعاف أضعاف قيمتها بعتلها..

يمكن ما منقدر نشرح أو نفهم طريقة مساعدة ربنا إلنا..

بس عالأكيد لازم ثقتنا فيه تكون قوية وما نخاف أبداً وهو ما بيتركنا..


للراغبين في الإعلان في موقع بوابة صيدا يرجى التواصل على الرقم 03928409


author

موقع بوابة صيدا

بوابة صيدا

بوابة صيدا.. موقع يهتم بالشؤون السياسية والاجتماعية والدينية والتربوية والثقافية في مدينة صيدا ولبنان.. والعالم

مقالات ذات صلة