بوابة صيدا - لا يوجد صورة

بوابة صيدا - (سوا منتخطاها) مبادرة خيرية من صيدا القيم لمساعدة بعضنا

لأنو كلنا بالهوا سوا ولأن كتير ناس قاعدة ببيوتها من دون شغل..

كان لابد #قيمنا تحرّكنا من جديد ونسعى لنكون حد بعض

ضمن مشروعها #بوعي_منقدر، جمعية #صيدا_القيم اليوم عم تطلق مبادرة خيرية جديدة لحتى كل الناس تساعد كل الناس ..

#سوا_منتخطاها

ما في غني وفقير ومتوسط... كلنا رح نساعد بعض.

ورح نبلش بالشي الأهم، ويلي هوي #الأكل_والشرب.

ببداية الأزمة، كتار فينا موّنوا لبيوتن.. إن كان كتير أو قليل، بس أغلبنا جهّز مونة.

لهيك، وانطلاقاً من #شعورنا_بالاخر ومعرفتنا بإنو كتير عائلات ما قدرت تموّن لأنها مش قادرة.. ولأن قعدة البيت حرمت كتير أشخاص من أشغالن.

كان السؤال: ليش ما منتقاسم المونة سوا؟ ليش ما بعطي #خيّي كيس رزّ أو عدس من الكيسين يلي عندي، الله أكيد رح يباركلي ويكرمني

هيدي هيي الفكرة باختصار فـ:

◀ إذا كنت قادر تساهم بقيمة #حصة_غذائية واحدة (يعني ٥٠ ألف) أو جزء من حصة؟

◀ إذا كان عندك #مونة ومستعد تتقاسمها مع غيرك؟

◀ إذا كنت قادر تقدم #كيلو رز أو عدس أو برغل أو ...؟

هلأ دورك.. ف ما تتأخر وقول يا رب

ناطرين مساهمتك معنا، والباقي علينا

نحنا إن شاء الله رح نوصّل الحصص الغذائية للناس يلي بحاجة وبأقرب وقت

للتبرع أو الاستفسار يمكنكم التواصل مع الرقم:

81659742

بسم الله نبدأ سعادة جديدة

ومعاً #نحو_مجتمع_فاضل_تسوده_القيم




من أرشيف الموقع